OGOTERA 201 - 225

NINGOTUNYE OMOTORIA   1 Ningotunye Omotoria, And` ons` as` okong`ira As` ogochia ninkobwatie, Monene ningotunye.   Chorus: Ningotunye Omotoria, Ogankwer` as` omote Banto bonsi mbagotiga, S`obuya ningotunye.   2 Nonya n`enchera erembe, Bun`emerindo nyancha Gwatang`anire enchera, N`omogoko ngotunye.   3 Nimba n`emechand` emenge, Nintemwa mono mono Nainyoir` Aye ngwatemetwe, `S` omochengo ngotunye.   4 Nimba n`oboror` obonge, Ntigire omotaka Nomanyet` emechand`ense, Nindigetie ngotunye.   5 Ning`eta as` amatemwa, Aye nig`okondaa Ngwaetet` as` emechando, Nche ningotunye rioka.

NTERERIE RIOK` ABAMINTO   1 Ntererie riok`abaminto, Mang`an` obogima Ndore obosera bwaye, Mang`an` obogima Amang`an` amaya, Nyegeri` okwegena.   Chorus: Namasera, y`ogokumia; Mang`an`obogima, Namasera, yo`ogokumia.   2 Yes `omuya otoeire, Mang`an`obogima Monyabibe tegerera, Mang`an` obogima Otoeire bosa, Tong`uswe gochia nka.   3 Tiga bono toyarandie, Mang`an` obogima `Korua kwabera, Morembe, Mang`an` obogima Yeso Omoboria, Tochene botambe.

BUNA NDE   1 Tindi na egetamero, Manying`ao `ngitekera, Gwantebirie nchich` as`or` Eng`ondi ya Nyasae, Nchiche.   2 Buna nde intaganyeti Gwetinyi `Omoy`on` ekebe, Manyingao `tinyi `ebibe Eng`ondi ya Nyasae, Nchiche.   3 Buna nde nkorutwarutwa, Nechitang`u tang`u chionsi, `Segi ime bwoba `sik `Eng`ondi ya Nyasae, Nchiche.   4 Nd`Omotaka omouko, Kogweni` ebirengererio, Nakwo nganetie as`or` Eng`ondi ya Nyasae, Nchiche.   5 Buna nde Aye nong`ire, Ondosi `onyaber `onsibie, Negenir`eira yao Eng`ondi ya Nyasae, Nchiche.   6 Buna nde Bwanchani bwao, Bwatagoire Ker`etoto, Bono mb`oyoo kegim` Eng`ondi ya Nyasae, Nchiche.

NAIGW`ERIOGI RIAO   1 Naigw`eriogi riao, Kondangeria nchiche, Nsibigwe n`amanyinga o `Tegete Kalwari.   Chorus: Ngochand` as`ore, Ngochande bono, Onsibi` as` amanyinga, `Tegete Kalwari.   2 Nonya nche nd`omworo, nomente chinguru, Nonsibi `obobe bwane pi, Goika mb`omochenu.   3 Yeso ondangeirie, mb`omoikeranu, Gosemeria n`omorembe, As`ense ya Igoro.   4 Goker`amanyinga Buya bw`okoboria, Gokera Yes`Ekeegwa, Oboronge bwaito.

NCHE NOMWAN` OO   1 Nche nomwan` oo kwandangeirie, Many`obwanchani bwao; Ko nindigetie as`okwegena, Kong`uswa ang`e n` Aye.   Chorus: Ng`usa ang`e (ang`e) ang` Omonene, ase gwatokwerete; Ng`usa ang`e, ang`e, ang`   Omonene, Nimbe naye botambe.   2 Onchene bono as` emeremo, `S` okobua kw`obuya; Nkogaramer` erio ngosemerie, Kogania kob` as`ore.   3 Mogoko bw`engaki er`enk `as`ore, As `ekerogo kiao; `Kero nkogosaba Nyasae One, Nkwana bun` omosani.   4 N`obwanchani_obonge nche ntamanye, Goika ng`amboke nyancha; Noreo mogoko nche ntamanye, Goika ntimok `as`ore.

IRA ENSE YONSI ONG`E YESO   1 Ira ense yonsi ong`e Yes` omogoko one; `Bwanchani bwaye tibori Goonchoka nonya ng`ake.   Chorus: `Maber` ay`ogokumia; Bwanchani bwayeobonge; Gotorigwa gw`ekeene, Kw`obogima botambe.   2 Ira ense yonsi ong`e Yes` Omoremia one; Omotoria karandende, Ninter` as` emechando.   3 Ira ense ong`e Yeso Ndor` omosasok` oye; Ase orogendo rwane, Amoreker` enchera.   4 Ira ense yonsi ong`e Yes` Omosalab` one; Goik` Omonene ogocha, Morore as` obosio.

IR`OBOGIMA BWANE   1 Ir`obogima bwane, Bochene bob`obwao, Ir`amaboko naro `kore bun`origetie.   Chorus: Nsibi` as`amanying `Omotoria (Manying`aye), Nsibi` as` amanying` agochena (Agochena), `Monene narure bionsi as`ore, Bib`ebiao botambe.   2 Ira amagor`ane, `B` amang` as`emeremo, Ira n`eriogi riane, Nter`ase Nyasae oka.   3 Ir` ebikoba biane, Bikwan` ay`origetie, Ir`amo n`echinibo, Tindigetie kobisa.   4 Ira chingaki chiane, Chikobake botambe, Ir`obong`aini bwane, Korer` ay`origetie.   5 Ira Ogwancha kwane, Gokore kob`okwao, Ira n`enkoro yane, Eb`obomenyo bwao.   6 Ir` obwanchani bwane, Nib` as`amagor`ao, Ir` omobere bwensi, noyoo bono bori.

ENS`ENYIA Y`OMWANDO   1 Yes` Omonene, Er`otoriereir` eira; Eira y`obomeny` Atoroseirie aria Igoro; `Mochie bw`abaya, Enka y`omwando twaeirwe; As`ebibe n`emechando n`amakweri bitabe.   Chorus: Ens`e . . . . . nyia, y`omwando; `Nse y`omwand`ekaregocha, `Nse y`omwand`ekaregocha, Yes`A . . . . . toroseirie; `Mochie Yes`Atoroserie, `Mochie Yes`Atoroserie, Tome . . . . . nye, botambe; Tomeny`aroro botambe, Tomeny`aroro botambe Tomenye n`omorembe as`ens`eria botakoira.   2 As`ens`eyi`enyia, Botuko mbokob`aroro;   Yeso ner`orab`omobaso irumbe ritatube;   `Botaka mboiyo, gose kende kiogoichania; Tomenye nomorembe N`Omotori`oito botambe   3 Ntoumerane n`abasani twatiganete; Baria bonsi bararet`ase Yeso nababeo;   Ne chintakana nchinyor`abaibori babo; `Bororo bw`amakweri titokoboinyora rinde.   4 `Basani baito, rigereria bosio rioka; Intwe nabaeti, bamint`ens`eye teri seito;   Titweb`eira, Y`ense Yes`Atoroseirie; Intwe n`abanyamwando b`obogima ...

ONG`USE ANG`E N`AYE TATA   1 Ong`use ang`e n`Aye Tata, Nganeti` onyagate, Ang`e ase amabok`ao, Nyare gotimoka.   Chorus: Ong`use n`obwanchani, (Ong`us` ong`use n`obwanchani), Ng`us` ang`e, Igor`as`ore (Ong`us n`obwanchani, Goch`as`ore Igoro,) Ng`usa ange Gocha as`ore.   2 Ong`use ang`e Omotoria, Timba inche bweka, Ombwate n`okoboko kwao, Erio nintimoke.   3 Ong`us` as` Omoik` omuya, Erio nkogwekane; Onsibie, onchene, nindabe, Goika mbe omuya.

AYE NOBE BUNA YESO   1 Aye nobe buna Yeso Omochenu pi? Notare n`Ere nchera enyerere? Aye nomoe chigurube chiao chionsi? Ancha agotang`ane.   Chorus: Chinguru chiaye nchibe as`ore, Amanyinga aye nagosibie; Obwanchani Bwaye nobonyore,   Ng`a mbuya, bwanche akorae bo.   2 Nabwanche agosibore omotunyane? Nomanyete omoremb` okonyora? Nabwanche agokony` erio tocha gosira? Ancha agotang`ane.   3 Nonyore obomenyo as` obonda Bwaye? Nabwanche komanya chinguru Chiaye? Botambe nokor` emeremo ne chinguru? Ancha agotang`ane.

YES` OMOSALABA ONE   1 Yes` omosalaba one, Bono naywetwekire; Ngotunyan` Omonen` one, Natigir` ebiens` eye.   Tindengererete_enibo, Enibo y` ense eye:   Inche nomonguru` as`ore, Monyamwando o Nyasae.   2 Nonya ngochandek` ens` eye Ningaramere Yeso; `Mechando neba emenge, Nindemereri` as`ore.   Emechando teri gento, Ninde n` obuya bwao, Nairaneirie mbuya mono, Ninyore bions` as`ore.   3 `Nkoro ira obogima, `Konyek` amatuk` onsi; Obue ebibe n`obwoba, Gendereria emeremo,   `Moika nore as`ore, N` Obwanchani bwa Tata, Omotoria nere oyoo, Ogokweret` omote.   4 Oyominto ayerera, Bweboe okwegena, Bwebo` ebinto bi`esegi, Toraika ense enyia;   Yeso nomotang`ani oo, Sab` asare botambe, `Ker` oraike Igoro, Nomogok` omonene.

NANCHIRE KOBA OMWAN` OYE   1 Nanchire koba omwan` oye; Imanye enchera; Nkor` emeremo y` Omotoria, Onkonye bono.   Chorus: Noyoo (Yeso), Noyoo (Yeso), Noyoo eye neira; Noyoo (Yeso), Noyoo (Yeso), Noyoo nde kegima.   2 `Nibo y`ense ig` ere bosa, Otari aroro; Natigire bionsi kegima, Naye enibo.   3 Kondatugut` ebinto bi`ense, Ika ang`e nainche; Ebigochia kare as`ore, Binkonye inche.

OKOGACHERWA YESO   1 "Okogacherwa Yeso," Na nguru chia Nyasae  Ndendwe korw` ebimoa,  Ntare buna Yeso.   Chorus: Ndendwe as` Omonene, Ngw` as` amagor`   Aye Tingwenereti, kende, kende, Obe bionsi_Ase nde.   2 "Okogacherwa Yeso," Nkore bun` anchete Imbe oyoye bori, nkore emeremo.   3 "Okogacherwa Yeso," Ngachwe korwa ense Moitongo as` omoika, Mochenu as` enkoro.   4 "Okogacherwa Yeso," Nimb` oyoye bori Mbe oyoye botambe, Mbe oyoye bweka.

BONO NGOCHA NDE   1 Natayayire ar`Omonene, Bono ngocha nde nka;   Nganetie ng`irane as`obuya, Bono ngocha nde nka.   Chorus: Ee ngocha nde, Tata ngocha nde, Bono ngocha nde nka; Ee ngochande, Tata ngocha nde, Bono ngocha nde nka.   2 Narosire n`ens`eye y`ebibe, Bono ngocha nde nka;   Omotoria nang`ariganie nka, Bono ngocha nde nka.   3 `Manyir` Omotoria nantimokie, Bono ngocha nde nka; Ko nganetie gotimok`as`are, Bono ngocha nde nka.   4 Nasabire nonya nobosomba, Bono ngocha nde nka;   Gicha nyor`obuya bw`Omotoria, Bono ngocha nde nka.   5 Togi`Omonene Omotori`one, Bono ngocha nde nka; `Ganyet`ang`ariganie nch`omobe, Bono ngocha nde nka.

KWARURE EBINTO BIONSI EKENG`WANSO?   1 Kwaganirie omorembe, n`okwegena, Gwasabire as`ogweitia? Kotogotimoka; gos`osesenigwe, Goika bono bweru`ekeng`wanso.   Chorus: Kwarure ebinto bionsi ekeng`wanso? Omoika ngokoraa Are? Norasesenigwe, onyor`omorembe, Koramo` omobere n`enkoro.   2 Nobe n`Omonene `se Ringana riaye, Obe n`omoremb `oisaneke; Korer`ogochika, Ob`omochenu pi, Oru`ebiao bionsi ekeng`wanso.   3 Titokomany` eki Omonen `atoeire, As`ebisi`ebi twasabire.   Mebere, chinkoro, goik `abigambere, Bionsi torue as`ekeng`wanso.   4 Mbori gotebek` obwanchani-atoeire, Chinkoro chiaito na chigoke, `Buya bw`ogosanga tosange Nere, Gatwarure bionsi_ekeng`wanso.

BUNA NDE NACHIRE AS`ORE   1 Buna nde nachir` as`ore, Inche tingwekor` omuya   `Manyinga oka ngosaba, Ntorie as` amaber` ao.   Chorus: Buna (Buna inde), inde (Buna inde) Buna nde nachir` as`ore (Buna inde) Nyingw `Onsesenie onkonye, Buna nde nachir` as`ore.   2 Buna nde ko namanyire, "Manyinga ok` aisanire"   Gonsibia ndabe kegima, Erio nkwegene kegima.   3 Buna nde nachire rero, "Moy`one okorereire" Tinkomenya are naye, Noyoo nganetie koba.   4 Nkoro yane n` obogima, Gotimoka nyor` as`ore   Gantayayete ndosete, "Ntimok `obwanchani bwao".

TATA NACHIRE AS` ORE   1 Tata nachire as`ore, Nay` ogotoreka, Korantige inche bweka, Kai nche ndagende?   Chorus: Namanyire, negenire, Yes` Otokwerete, As` omote amanyinga, Akang`itekera.   2 Nanchire Omwana oo, Ng`a chinguru chiao, Ong`isanekie na bionsi, As`engaki eye.   3 Omochaki bw`okwegena, Nakorigereirie, Nyore ekeegwa kiao, kebe obogima.   4 Togontiga inche nsire, Kwana erio menye,   Ntimoke ntari korosa, Goik`ong` Omoik` oo.   5 Nak_Omoy`on `oragoke, Kondakoror` aye, Tiga nyigw`eriogi riao, Nyaberw` as` obuya.

O YESO NARIRE EIRA   1 Yeso narir` Eira, Kogokorera, `Kabe nainche`, Botambe, `Monen` omosani. Tinkoiroka esegi, Korabe ase nde, Tinkorw` as` enchera, `ker`orantang`ane.   2 Nkoigwe ang`e ase nde, Ense ng`ang`e ere, Tindi korora buya, "Mariogi agontema", Babisa ng`ang`e bare, Bang`etananire, O Yeso inchwo ang`e, Ntange korw`ebibe.   3 `Yeso kwarir`eir `as `abakogotunya` Agw`or` as` obonene, Mosomb`oo nabe, Yeso narir` Eira, Kogokorer` Aye, Ng`obuya `nkobwatie, `Monen` omosani.

TOKWAN` AMANG`AN` AMABE   1 Tokwan` amang`an` amabe Korw` oromeme rwao;   `Nkoro eyarengererie Atararwa omonwa.   Chorus: `Anchana inwe`, Er`otebire; "Bana igw`amachiko a Tata" `Anchana inwe`, Er`otebire; Abana igw` amachiko.   2 `Bwanchani obochenu mono, Amo n` obosani bo; `Boriri bw` egek` egeke `Go borasarie bionsi.   3 `Mang`an` amabe namango Na ebirengererio; `Kegosaria obosani Ring`an` erimo ribe.

ONDAIRE, ONDAIRE   1 Ondaire, ondaire, n`amang`ana y`okoremia, Ase onsi ense eye, Omonene ondaire.   Chorus: Ondaire, ondaire, Omonene ondaire Nokoboko kwaye igo, Omonene ondaire.   2 `Kero kende nomobaso, `Kero kende nomosunte; S`amache na ase ense, Omonene ondaire.   3 Tinkonyara gotogonya, As` emeremo ndaegwe, Ekiagera namanyire, Omonene ondaire.   4 Koyaerir` emeremo, Konabuire ebibe, Nony`ogokwa tinkoiroka, Omonene ondaire.

ANG`E N` AYE NYASAE   1 Ang`e n`Aye Nyasae, Ang`e kobua, Omonene one, Ang`e kobua. Amatuko onsi, Nimbe Ang`e naye, Ang`e n`aye Nyasae, Ang`e kobua.   2 Nonya nagendire `Mosunte_ime, Nay` obotamero Emiaka yonsi. Ase okorota nindigetie koba Ang`e naye Nyasae, Ang`e kobua.   3 Bionsi Aye kwang`eire, N`amaber` ao, `Malaika bonsi Bandangeirie, Korwa ense eye, As`ore Igoro, Ang`e n`aye Nyasae, Ang`e kobua.   4 Ne chinguru chiane, Ninkobake, Egetare kiane Kia obuya. Emechando yonsi, Twaretir` as`ore; Ang`e naye Nyasae Ang`e kobua.

EKERENGERERIO KIANG`IRANEREIRE   1 Ekerengererio, Kiang`iranereire; Naikire ang`e na seito, Kobua riria kare.   Chorus: Ang`e seito, Ang`e seito; Ang`e seito rero, rero,   Kobuariria kare.   2 Ang`e nka ya Tata, `S`obomeny` obonge; Ase Yeso akogamba, Nyancha y`ekerore.   3 Ang`e goika seito, Ntore chigurube; K`emechando yaerire, Mbek`egutw` engiya.

GOIKA NCHE MBE N`OMOTORIA   1 Goika nche mbe n`Omotoria, Tingotara nche bweka, `Moigwe ore ang`e nainche` Mabok` ay` amboanie.   Chorus: Moy`one tokwoboa (tokwoboa), `S` arandae ningende (ningende) Gose tinkwemurungania, Mbwatie chinchera chiaye.   2 Goika nche mbe n`Omotoria, `Kiagera nd`omoreu; Nanyare kong` oboremu, Ond` atanyare bori.   3 Goika nche mbe n`Omotoria, As` orogendo rwane; `S`emechando n`as`obuya, Nonya nase chisegi.   4 Goika nche mbe n`Omotoria, Ab`Omorai nchera; Goika ngik` ekiambokero, Nsoe as` ens` eri` enyia.

OMOTORIA ONDAIRE   1 Omotoria ondaire; Ninki rende mborire? Tinkoba na tang`utangu, Ere n`Omorai_one; Nere okong`a omorembe, Nimenye ime Yaye; Kende nagecha ase nde, Ere nandende buya; Kende nagecha ase. nde, Ere nandende buya.   2 Omotoria ondaire, Nony` enchera er` embe; "Ng`obuy` ekero ngotemwa", Ndagera y`obogima; Kondagochwe amagoro, Na korang`a kegima; Korwa ase egetare, Narorire ensoko; Korwa ase egetare, Narorire ensoko.   3 Omotoria ondaire, As`obwanchani Bwaye! Ninyore ogotimoka, As`omochie o Tata; `Kero keria ndabokigwe, `Moerio bw`orogendo, Nyare gotera botambe: Yeso ndae enchera; Nyare gotera botambe: Yeso ndae enchera.

NDA` OMONENE YEHOVA   1 Nda` Omonene Yehova, `Moeti bwens` ey` embe, Nd` omworo, Ay` Omonguru, mbwate as`okoboko, Endagera ya Igoro, Ondagerie nyigote, (nyigote) Ondagerie nyigote.   2 Tubora Ensok` engiya, `Sok` Amach` okogwenia, Tiga rire ri`omorero, Rinda` as` orogendo,   Omoboria Omonguru, Obe chinguru chiane, (chinguru) Obe eng`aya yane.   3 Ngoik` engegu ya Yordani, Osiri` obwoba bwane, Ong`etie as`omorindo, Ng`ike ng`umbu Kanani; Amatera y`okobaka, Ningoterere Aye, (Aye)  Ningoterere Aye, Amen.